Citizen.lk
 
 

අත් පා අහිමි වූවත් දක්ෂ කැමරා ශිල්පියෙකු වී සිය දිවි නසා ගන්නා අයට ආදර්ශයක් දෙන අච්මාඩ් - Photos

අත් පා අහිමි වූවත්  දක්ෂ කැමරා ශිල්පියෙකු වී සිය දිවි නසා ගන්නා අයට ආදර්ශයක් දෙන අච්මාඩ් - Photos  | photographer Achmad Zulkarnain
Tue 10 October 2017 8:36 am
899 views

සුගිය කාලය පුරාවට වෛරසයක් මෙන් පැතිරුන සිය දිවි නාසා ගැනීම් හේතුවෙන් වටිනා ජීවිත රැසක් රටට අහිමිවිය. සියදිවි නසා ගැනීම් අතින් ලෝකයේ පළමු ස්ථානය අපිට හිමි වී තිබීම සැබැවින්ම කනගාටුදායක තත්වයක්. ජීවත්වීමට අවශ්‍ය සෑම දෙයක්ම පාහේ තිබියදී නොලැබුණු පුංචිම පුංචි දෙයක් වෙනුවෙන් සිය දිවි නසාගන්නා පුද්ගලයන් සිටිනා අපේ රටේ මිනිසුන්ට අද අප කියන අත් පා සතරම නොමැති වෘත්තීය ඡායාරූප ශිල්පියකු පිළිබඳව මේ කතාවෙන් බොහෝ දේ උගත හැකිවේවි.

තවමත් 25 වැනි වියෙහි පසුවන ඉන්දුනිසියාවේ අච්මාඩ් සුල්කානයින් (Achmad Zulkarnain) අන්ත දුප්පත් පවුලක උපතින්ම අත් දෙක හා පාද දෙක අහිමිව උපත ලැබූ පුද්ගලයෙක්. උපත ලැබූ විට මව විසින් මොහුව පොලිතීනයක ඔතා විසිකිරීමට සැරසුණත් අසල්වාසීන්ගේ මැදිහත් වීමෙන් එය නවතිනවා. ඒ නිසාම ජීවත්වීමේ වාසනාව හමිවුණු අච්මාඩ් වර්තමානයේ නීතිඥවරයකු වීමට ඉගෙන ගනිමින් සිටිනවා.

පවුලේ ආර්ථික අමාරුකම් නිසා තම පවුලේ අදායම් තත්ත්වය වැඩි කිරීමට පියාගේ යතුරුපැදි අලුත්වැඩියා කරන ස්ථානයේ සේවය කරන අතරම ගම්වැසියන් සඳහා හැඳුනුම්පත් නිකුත් කරන ස්ථානයක ඡායාරූප ගැනීමේ නිරත වී තිබෙනවා. එවිට ඡායාරූප ශිල්පය සඳහා ඔහුගේ හිත ගොස් තිබෙන අතර පියාගේ වැඩ කටයුතු වලට සවියක් වීමට ඔහුගේ මව විසින් කුඩා කැමරාවක් ඔහු වෙත තෑගි කර තිබෙනවා.

එයින් නොනැවතුනු මෙම තරුණයා කොටස් වශයෙන් ගෙවීමට DSLR කැමරාවක් මිලදී ගෙන ඡායාරූප ශිල්පය ගැන ඉගෙන ගෙන තිබෙන්නේ අන්තර්ජාලය ඔස්සේයි . ඉන්පසුව නගරයේ තිබෙන විවිධ උත්සව අවස්ථාවන් වෙත ගොස් ඒවා ඡායාරූපයට නැඟීමට පටන් ගෙන තිබෙනවා. මීට අමතරව තනිවම කඳු තරණය කරමින් ස්වාභාවික චමත්කාරය තම කැමරාවට හසු කර ගැනීමට තරම් දැඩි අධිෂ්ඨානයක් තිබූ අච්මාඩ්, දිය ඇල්ලක් ඡායාරූපයට නගන්නට ගොස් කන්දකින් පවා පහළට වැටී තිබෙනවා. මෙවැනි අනතුරු රාශියක් සිදු වුණත් තම ගමනට එය බාධාවක් කර නොගන්නට තරම් ඔහු ශක්තිමත් පුද්ගලයෙක්.

කුඩා කාලයේදී පාසලේ ළමයින්ගෙන් අනේකවිධ හිරිහැර හා සමච්චලයට ලක්ව තිබෙන සුල්කානයින් එක් අවස්ථාවක පිහියකින් ඇනගෙන ජීවිතය නැති කර ගැනීමට පවා උත්සාහ කර තිබෙනවා. එහෙත් පිහිය ඔහු අසලට පැමිණෙන විට තම ජීවිතයේ අගය නැවත වැටහී පිහිය බිම දමා තිබෙන්නේ කෙසේ හෝ ජීවත් වීමේ අදිටන ඇතිවයි.

සෑම සාර්ථක මිනිසකුම පිටුපස ගැහැනියක සිටිනවා යන ප්‍රසිද්ධ කියමන සනාථ කරමින් මොහු අද සිටින ස්ථානයට ඔහුට පැමිණීමට උදව් කර තිබෙන්නේ ඔහුගේ මවයි. සාමාන්‍ය පුද්ගලයකුට කළ හැකි සියල්ලක්ම තමාටත් කළ හැකි බව පවසමින් සෑම විටම ඔහුගේ ජීවිතය ශක්තිමත් කර තිබෙන්නේ ඔහුගේ මවයි.

පියයුරු පිළිකාවක් නිසා මීට වසර දෙකකට පෙර ඇය ජීවිතයෙන් සමුගෙන ඇතත් මෙම තරුණයා දිනෙන් දින ඉදිරියට යන්නේ ඇය ලබාදුන් ශක්තියෙන්.
Bong Dzoel යන අන්වර්ථ නාමයෙන් ඡායාරූපශිල්පියකු ලෙස මුළු ඉන්දුනීසියාවේම ප්‍රසිද්ධ මොහු ඉගෙනගැනීමේ කටයුතු අතර ඡායාරූප ගැනීමේ නිරත වනවා. ඉතාමත් දක්ෂ ලෙසින් පියානෝ වාදනය කිරීමට හා ස්කේට් බෝඩ් පැදීමට හැකියාව තිබෙන Dzoel ගමන් බිමන් යන්නේ මොහු විසින්ම සැලසුම් කරන ලද කුඩා මෝටර් රථයකින්. සියල්ල හිමිවී තිබියදීත් ජීවිතය ගැන කලකිරෙනා පුද්ගලයින්ට ආදර්ශයක් වෙමින් මොහු පවසන්නේ තමන්ට හිමි සුළු දෙයකින් පවා තම ජීවිතය ඉදිරියට ගෙන යාමට උත්සාහ කරන ලෙසයි.

Latest News

You may also like

Latest Videos

Hot Video

LG polls on or before Feb 17 |  පෙබරවාරී 17 වන දින හෝ ඊට පෙර දිනයක ප්‍රාදේශිය සභා මැතිවරණය  තියනවා - මැතිවරණ කොමසාරිස්  මහින්ද දේශප්‍රිය - Video
Seylan

Citizen of the Week

Citizen.lk - Citizen Of The Week With Popular Writer Saman Edirimunee | සිඳු, දෙවන ඉණිම නාටකයන් ඔබේ හදවතට සමීප කළ තිරය පිටුපස සැඟවුණු මැවුම්කරුවා - සමන් එදිරිමුණිගේ කතාව - Exclusive Video

Popular News